Tamil Latest Kids News சிறுவர்களுக்கான உலக செய்திகள்
அமெரிக்காவில் கெண்டக்கி மாகாணத்தில் கடும் சூறாவளியால் குறைந்தது 50 பேர் பலியாகியுள்ளதாக தகவல் வெளியாகியுள்ளது.அமெரிக்காவில் பல்வேறு பகுதிகளை தொடர்ந்து சூறாவளிகள் தாக்கி வருகின்றன. இந்நிலையில், கெண்டக்கி மாகாணத்தில் சூறாவளியால் குறைந்தது 50 பேர் உயிரிழந்துள்ளதாக அம்மாகாணத்தின் ஆளுநர் தெரிவித்துள்ளார்.
கெண்டக்கியில் உள்ள பல்வேறு மாவட்டங்கள் சூறாவளியால் சீரழிந்துள்ளதாகவும், மாகாணத்தில் 200 மைல்களுக்கு சூறாவளி கடும் சேதம் ஏற்படுத்தியுள்ளதாகவும் ஆளுநர் ஆண்டி பெஷியர் தெரிவித்துள்ளார்.
இதுகுறித்து ஆளுநர் ஆண்டி பெஷியர் செய்தியாளர்களிடம் பேசியபோது, “50 பேருக்கு மேல் உயிரிழந்துள்ளதாக சந்தேகிக்கிறோம். சுமார் 70 முதல் 100 பேர் வரை இறந்திருக்கக்கூடும். இது மிகவும் மோசமானது. கெண்டக்கி வரலாற்றிலேயே இது மோசமான சூறாவளி பாதிப்பு.
மேஃபீல்ட் நகரில் உள்ள ஒரு மெழுகுவர்த்தி ஆலையில் கூரை விழுந்ததால் ஒரே நேரத்தில் ஏராளமானோர் உயிரிழந்துள்ளனர்” என்று தெரிவித்துள்ளார். சூறாவளியின் கோரதாண்டவத்தால் ஏற்பட்ட சேதம் குறித்த வீடியோக்களும், படங்களும் சமூக வலைதளங்களில் வைரலாகி வருகின்றன.
நள்ளிரவிலேயே எமர்ஜென்சியை அமல்படுத்தி ஆளுநர் உத்தரவிட்டார். பாதிக்கப்பட்டவர்களை பாதுகாக்கவும், மீட்புப் பணிகளை மேற்கொள்ளவும் மீட்புப் படையினர் களமிறக்கப்பட்டுள்ளதாகவும் ஆளுநர் தெரிவித்துள்ளார்.
kidhours – Tamil Latest Kids News
திருவள்ளுவரின் வாழ்க்கை வரலாறு
திருக்குறள் கூறும் நட்பு கட்டுரை
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.