Tamil Kids News Elisabeth சிறுவர்களுக்கான உலக செய்திகள்
உலக அளவில் பிரபலமான அரசியல் தலைவர்கள், திரை நட்சத்திரங்கள், விளையாட்டு வீரர்கள் போன்ற முக்கிய பிரமுகர்கள் தங்களது வாழ்நாளில் பயன்படுத்திய பொருட்கள், அவர்கள் வாழும் காலத்திலோ, அவர்களின் காலத்துக்கு பின்போ ஏலம் விடப்படுவது வழக்கம்.
இல்லையெனில் அருங்காட்சியகத்தில் வைக்கப்பட்டு அப்பொருட்கள் பாதுகாக்கப்படும் நடைமுறையும் உண்டு.
மகாத்மா காந்தி பயன்படுத்திய கண் கண்ணாடி, கை கடிகாரம், ராட்டை, அவர் எழுதிய கடிதங்கள் உள்ளிட்டவை கடந்த 2012 ஆம் ஆண்டு லண்டனில் ஏலம் விடப்பட்டன.
பிரதமர் நரேந்திர மோடிக்கு பல்வேறு நிகழ்ச்சிகளிில் வழங்கப்பட்ட பரிசுப் பொருட்கள், நினைவுப் பொருட்கள் கடந்த ஆண்டு ஏலம் விடுப்பட்டது. இதன் மூலம் கிடைத்த பல கோடி ரூபாய் நிதி, கங்கை நதியை தூய்மை செய்வதற்கான திட்டத்துக்கு பயன்படுத்தப்பட்டது.
அண்மையில் காலமான இங்கிலாந்து ராணி எலிசபெத் அலெக்ஸாண்ட்ரா மேரி, தனது தேநீர் கோப்பையில் நனைத்த டீ பேக் தற்போது ஆன்லைனில் விற்பனைக்கு வந்துள்ளது.
eBay எனும் ஆன்லைன் வர்த்தக நிறுவனம், தன்னுடைய வலைதளப் பக்கத்தில் இதனை விற்பனைக்கு கொண்டு வந்துள்ளது. இதன் விலை 12 ஆயிரம் அமெரிக்க டாலர்கள் அதாவது இந்திய ரூபாயில் சுமார் 10 லட்சம் ரூபாய் என குறிப்பிடப்பட்டுள்ளது.
‘ராணி எலிசபத்துக்காக 1990களில் விண்ட்சர் கோட்டையில் இருந்து கொண்டு வரப்பட்ட இந்த டீ பேக்கை வாங்கி, வரலாற்றின் ஒரு பகுதியை சொந்தமாக்கி கொள்ளுங்கள்’ என்ற குறிப்புடன் இந்த டீ பேக் விற்பனைக்கு வைக்கப்பட்டுள்ளது.
உலக அளவில் இந்த தகவலை அறிந்த பொதுமக்கள், ராணி எலிசபெத் பயன்படுத்திய டீ பேக் தான்…. அதற்காக இவ்வளவு விலையா என்று வியப்பில் ஆழ்ந்துள்ளனர்.
kidhours – Tamil Kids News Elisabeth #Elisabeth
திருவள்ளுவரின் வாழ்க்கை வரலாறு
திருக்குறள் கூறும் நட்பு கட்டுரை
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.