17 Students Dead சிறுவர்களுக்கான உலக செய்திகள்
கிழக்கு ஆப்பிரிக்காவில் அமைந்துள்ள நாடு கென்யா.
அங்கு அனைவரையும் கவலையடைய வைத்த பாரிய சம்பவம் ஒன்று நடைபெற்றுள்ளது அதாவது கென்யா நெய்ரி நகரில் உள்ளபாடசாலை விடுதியில் ஏற்பட்ட பயங்கர தீ விபத்தில் 17 மாணவர்கள் உடல் கருகி உயிரிழந்துள்ளதனர்.
இந்நாட்டின் நெய்ரி நகரில் ஹில்சைட் எண்டர்சா என்ற பள்ளிக்கூடம் உள்ளது. குறித்த பள்ளிக்கூடத்தில் நூற்றுக்கணக்கான மாணவ-மாணவிகள் கல்வி பயின்று வருகின்றனர்.
இந்நிலையில், பள்ளியில் உள்ள மாணவர்கள் தங்கும் விடுதியில் நேற்று இரவு பயங்கர தீ விபத்து ஏற்பட்டது. இதில் 17 மாணவர்கள் தீயில் உடல் கருகி உயிரிழந்ததுடன் , 13 மாணவர்கள் பலத்த தீக்காயம் அடைந்தனர்.
அந்த நாட்டு போலீசார், தீயணைப்புத்துறையினர் பள்ளி விடுதியில் பற்றி எரிந்த தீயை அணைத்து காயமடைந்த மாணவர்களை மீட்டு மருத்துவமனையில் அனுமதிக்கப்பட்ட நிலையில் விபத்துக்கான காரணம் குறித்து போலீசார் விசாரணை நடத்தி வருகின்றனர்.
Kidhours – 17 Students Dead
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.