Thirukkural 97 தினம் ஒரு திருக்குறள்
அறத்துப்பால் / இல்லறவியல் / இனியவை கூறல்
”நயன்ஈன்று நன்றி பயக்கும் பயன்ஈன்று
பண்பின் தலைப்பிரியாச் சொல்.”
![''நயன்ஈன்று நன்றி பயக்கும்.............'' தினம் ஒரு திருக்குறள் கற்போம்... Thirukkural 97 1 Thirukkural 97 தினம் ஒரு திருக்குறள்](https://www.kidhours.com/wp-content/uploads/2022/11/thinam-oru-kural-kidhours-4-1.jpg)
பிறர்க்கு நல்ல பயனைத் தந்து, நல்ல பண்பிலிருந்து ஒரு சிறிதும் விலகாத சொற்கள், சொல்வானுக்கும், நன்மை தந்து உபகாரம் செய்யும்
—புலியூர்க் கேசிகன் (திருக்குறள் – புதிய உரை)
பிறர்க்கு நன்மையான பயனைத் தந்து நல்ல பண்பிலிருந்து நீங்காத சொற்கள்,வழங்குவோனுக்கும் இன்பம் தந்து நன்மை பயக்கும்.
—மு. வரதராசன்
பிறர்க்கு நன்மையைத் தந்து, இனிய பண்பிலிருந்து விலகாத சொல், இம்மைக்கு உலகத்தாரோடு ஒற்றுமையையும், மறுமைக்கு அறத்தையும் கொடுக்கும்.
—சாலமன் பாப்பையா
நன்மையான பயனைத் தரக்கூடிய நல்ல பண்பிலிருந்து விலகாத சொற்கள் அவற்றைக் கூறுவோருக்கும் இன்பத்தையும், நன்மையையும் உண்டாக்கக் கூடியவைகளாகும்
—மு. கருணாநிதி
Kidhours – Thirukkural 97
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.