Elders Home Fire சிறுவர்களுக்கான உலக செய்திகள்
இத்தாலியில் முதியோர் இல்லத்தில் இரவுவேளை ஏற்பட்ட திடீரென தீ விபத்தில் 6 பேர் உயிரிழந்துள்ளதாகவும், 80 பேர் வரை காயமடைந்துள்ளதாக தகவல் வெளியாகியுள்ளது.குறித்த தீ விபத்து மிலன் நகரில் உள்ள முதியோர் இல்லத்தின் முதல் தளத்தில் ஏற்பட்டுள்ளது.
இதேவேளை, முதல் தளத்தில் பற்றிய தீ மற்ற தளங்களை சேதப்படுத்துவதற்கு முன்னதாக முழுவதும் அணைக்கப்பட்டது, எனினும் கட்டிடம் முழுவதும் நச்சு வாயுக்கள் பரவியது.முதியோர் இல்லத்தில் ஏற்பட்ட தீ விபத்தில் இரண்டு பேர் உடல் கருகி உயிரிழந்தனர், மேலும் 4 பேர் நச்சுப்புகை தாக்கி உயிரிழந்து இருப்பதாக மிலன் நகர மேயர் கியூசெப் சாலா தகவல் தெரிவித்துள்ளார்.
முதியோர் இல்லத்தில் மொத்தமாக 167 பேர் இருந்த நிலையில் இது இன்னும் மோசமாக ஆகி இருக்கலாம் என்றும், 6 பேர் உயிரிழந்து இருப்பது மிகவும் கடுமையான எண்ணிக்கை என்றும் மேயர் சாலா குறிப்பிட்டுள்ளார்.
இதற்கிடையில் தீ விபத்துக்கான காரணம் தொடர்பில் விசாரணை நடத்தி வருவதாகவும், ஆனால் இந்த சம்பவம் பெரும்பாலும் எதிர்பாராத விபத்து காரணமாக ஏற்பட்டு இருக்கலாம் என தீயணைப்பு துறையின் செய்தித் தொடர்பாளர் லுகா காரி தெரிவித்துள்ளார்.
மேலும், சக்கர நாற்காலி இருந்தவர்கள் உட்பட 80 பேரை பத்திரமாக மீட்டு இருப்பதாகவும், மீதமுள்ள 80 பேர் வரை காயங்களுடன் மீட்கப்பட்டு மருத்துவமனையில் சிகிச்சைக்காக அனுமதிக்கப்பட்டு இருப்பதாக தெரிவித்துள்ளார்.
மேலும் அதிகமான கரும்புகை கட்டிடத்தை சூழ்ந்து இருப்பதால் மீட்பு நடவடிக்கை மிகவும் சிரமமாக இருந்ததாக தீயணைப்பு துறை அதிகாரிகள் தெரிவித்துள்ளனர்.
Kidhours – Elders Home Fire
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.