Thirukkural illaraviyal Thuravaraviyal திருக்குறளின் சிறப்புகள்
பொதுவாக ஒரு தனிமனிதனுடய வாழ்வானது அவன் வயதினை அடிப்படையாக வைத்து நான்காக வகுக்கப்படுகிறது.
அவையாவன;
1. பிரம்மச்சரிய நிலை (கற்கும் பருவம்)
2. கிரகஸ்த நிலை (குடும்பஸ்தன்)
3. வானபிரபஸ்த நிலை (துறவுக்குத் தயாராகும் நிலை)
4. துறவற நிலை (துறவற நிலை)
மனித வாழ்வானது இறைநிலையை நோக்கியப் பயணத்தை அடிப்படையாகக் கொண்டது. ஒவ்வொரு படியாக மனிதன் முறையாகக் கடந்தால்தான் அந்நிலையை அடையமுடியும்.
பிறந்ததிலிருந்து திருமணம் ஆகும் வரை உள்ள பருவம் கல்வி பயில்வதற்கான பருவம். அதுவே முதல் நிலை.
திருமணம் ஆனதலிருந்து தன் மகன்/மகள் திருமணம் ஆகும்வரை உள்ள பருவம் கிரகஸ்த நிலை. அதுவே இரண்டாம் நிலை.
மகன்/ மகள் திருமணமான பிறகு, அவனுக்கு வழிகாட்டிக்கொண்டு ஆனால் முழுமையாக ஆளுமை செய்யாமல் கொஞ்சம் கொஞ்சமாக குடும்பப் பொறுப்பிலிருந்து விலகிவருதல் வானபிரபஸ்த நிலை. அதுவே மூன்றாம் நிலை.
முழுமையாக விலகி, இறைவனை நோக்கிப் பயணித்தல் துறவுநிலை. அதுவே நான்காம் நிலை.
வள்ளுவர் மேலே உள்ளவற்றை மேலும் சுருக்கி முதல் இரண்டு நிலைகளை இல்லறவியல் என்றும், அடுத்த இரண்டு நிலைகளை துறவறவியல் என்றும் சுருக்கிவிட்டார்.
ஆக, ஒரு தனி மனிதனுடைய ஒழுக்க நெறியானது அவனுடைய இரண்டு பருவநிலைகளுக்கும் சொல்ல வேண்டி உள்ளதால் இவை இரண்டும் அறத்துப்பாலில் வருகின்றது. இல்லறத்தின் முடிவில்தான் துறவறம் ஆரம்பிக்கிறது. இவை இரண்டுமே தனி மனித வாழ்வியல் முறைக்குத் தேவையாக உள்ளதால். இவை இரண்டையும் அறத்துப்பாலில் வள்ளுவர் வைக்கின்றார்.
Kidhours – Thirukkural Illaraviyal Thuravaraviyal, Thirukkural Illaraviyal Thuravaraviyal athikaaram
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.