சுற்றுலா பயணங்கள் என்றால் யாருக்குதான் பிடிக்காது? சுற்றுலா செல்வதற்கு முன் பல்வேறு விஷயங்களை ஆராய்ந்து திட்டம் போட்டிருப்போம். எது எப்படியோ, சுற்றுலா ஜாலியாக இருக்க வேண்டுமென்பதே அனைவரின் விருப்பமாக இருக்கும். ஆனால், உலகிலேயே மிக ஆபத்தான சுற்றுலா தலங்களை பற்றி தெரியுமா? இந்த பதிவில் பார்க்கலாம்.
1. ஹவாய் எரிமலை
சர்வதேச அளவில் பிரபல சுற்றுலா தலமான ஹவாயில் பல ஸ்பெஷல் விஷயங்கள் இருக்கலாம். ஆனால், அங்கு ஆக்டிவாக இருக்கும் எரிமலை மீது மலை ஏறுவது மிகவும் பிரபலம். பலர் இதை விரும்பியே செய்கின்றனர். ஆனால் மிகவும் ஆபத்தான செயல்
2. மரண சாலை
பொலிவியா நாட்டில் உள்ள டெத் ரோட்டில் (மரண சாலை) ஒவ்வொரு ஆண்டும் சுமார் 300 பேர் பலியாகின்றனர். இந்த சாலை மிகவும் பிரபலம் மட்டுமல்லாமல் மிக ஆபத்தானது. இதில் சைக்கிள்கள் மட்டுமே பாதுகாப்பாக செல்ல முடியும்.
3. ரியோ டி ஜெனிரியோ
உலகிலேயே மிக ஆபத்தான சில நகரங்கள் பிரேசில் நாட்டில் இருக்கின்றன. பிரேசில் தலைநகரமான ரியோ டி ஜெனிரியோவில் குற்றங்கள், வன்முறை எல்லாம் மிகச்சாதாரணம். ஆனாலும் ஏராளமானோர் இந்நகரத்துக்கு சுற்றுலா செல்கின்றனர்.
4. டர்வாஸா காஸ் கிரேட்டர்
துருக்மெனிஸ்தானில் உள்ள டர்வாஸா காஸ் கிரேட்டர் என்ற இடம் ‘நரகத்துக்கான பாதை’ என்று அழைக்கப்படுகிறது. நிலத்துக்கு அடியில் இருக்கும் குகையில் விழுந்த இயற்கை எரிவாயு நிறைந்த பகுதிதான் இது. இதிலுள்ள மீத்தேன் கட்டுப்பாடில்லாமல் பரவுவதை தடுப்பதற்காக 1971ஆம் ஆண்டில் தீ வைக்கப்பட்டது. அப்போது முதல் இப்போது வரை அந்த குகை அணையாமல் எரிந்துகொண்டு இருக்கிறது. இவ்வளவு ஆபத்தான பகுதியிலும் சுற்றுலா பயணிகள் வந்து செல்பி எடுத்துக்கொள்கின்றனர்.
5. கென்யா
ஆப்பிரிக்க நாடுகளில் சுற்றுலா துறை வேகமாக வளர்ந்து வருகிறது. இயற்கையான பகுதிகள், அழகிய கடற்கரைகள், சுவையான உணவுகள் என ஆப்பிரிக்கா பல சுற்றுலா பயணிகளை ஈர்த்து வருகிறது. அதே சமயம், சில நாடுகள் உள்நாட்டு போர்களிலும், மோதல்களிலும் சிக்கி தவிக்கின்றன. இதிலும் கென்யா அடிக்கடி பயங்கரவாத தாக்குதல்களுக்கு ஆளாகிறது. எனவே, இதன் அழகை அனுபவிக்க முயற்சித்தால் ஆபத்தையும் எதிர்கொள்ள தயாராக இருக்க வேண்டும்.
6. எவரெஸ்ட் சிகரம்
உலகின் மிக உயரமான சிகரம் எவரெஸ்ட். மலை ஏற விரும்பும் ஹைக்கர்கள் மற்றும் மலை விரும்பிகளின் முதல் காதல் எவரெஸ்ட் சிகரம். எவரெஸ்ட்டின் உயரம் 8800 மீட்டருக்கு மேல். குளிர்நிலை மிக கடுமையாக இருக்கும். எவரெஸ்ட் மலையில் ஏற முயற்சித்து ஏராளமானோர் உயிரிழந்துள்ளனர். ஆனாலும், எச்சரிக்கைகளையும் மீறி மலையில் ஏறத்தான் செய்கின்றனர்.
7. செர்னோபில்
உக்ரைனில் உள்ள செர்னோபில் அணு உலை குறித்து பிரபல டிவி சீரிஸ் வெளியான பிறகு அப்பகுதி இன்னும் பிரபலம் அடைந்துவிட்டது. செர்னோபில் அணு உலை விபத்து ஏற்பட்டு 30 ஆண்டுகள் ஆன பிறகும் அதன் ஆபத்து நீடிக்கிறது. ஆனால், சுற்றுலா பயணிகளோ அசராமல் வருகின்றனர். குறுகிய காலத்துக்கு திட்டமிட்ட பயணிகளுக்கு மட்டுமே அனுமதியளிக்கப்படும்.
8. எலிபேண்ட் கிங்டம்
தாய்லாந்து நாடு தென்கிழக்கு ஆசியாவில் சுற்றுலாவுக்கு பெயர் பெற்ற நாடு. இங்குள்ள முதலை பண்ணைகளில் முதலைகளிடம் நேரடியாக சென்று உணவளிக்க சுற்றுலா பயணிகள் விரும்புகின்றனர். இதுவொரு ஆபத்தான செயல் என்றாலும், மற்றவர்களை காட்டிலும் சீன சுற்றுலா பயணிகள் இதை விரும்பி செய்கின்றனர். இதுவரை யாருக்கும் உயிர் சேதம் ஏற்படாவிட்டாலும், இதுவொரு ஆபத்தான செயல் என்பதில் சந்தேகமில்லை.
9. அமெரிக்க தேசிய பூங்காக்கள்
இயற்கை விரும்பிகள் அனைவருமே அமெரிக்க தேசிய பூங்காக்களுக்கு செல்ல வேண்டுமென விரும்புவதுண்டு. யெல்லோஸ்டோன், யோஸ்மைட் ஆகியவை சில அழகிய தேசிய பூங்காக்கள். இதில் சில பூங்காக்கள் மிக மிக ஆபத்தானவை. ஆண்டுதோறும் பல லட்சக்கணக்கான சுற்றுலா பயணிகள் இங்கு வருகின்றனர். அதில் பலர் உயிரிழக்கின்றனர். அதிலும், கிரேட் கேன்யன் பூங்காவில் வாரம்தோறும் 6 பேர் உயிரிழக்கின்றனர்.
10. வட கொரியா
மேற்கூறிய சுற்றுலா தலங்கள் ஏன் ஆபத்தானவை என்பதற்கு பல்வேறு காரணங்கள் இருக்கலாம். ஆனால், வடகொரியாவுக்கு சென்று சுற்றுலா பயணிகளுக்கான கட்டுப்பாடுகளை மீறினால் சிறையில் அடைத்துவிடுவார்கள். அப்படி என்ன கட்டுப்பாடு? போட்டோ எடுப்பது, தனியாக செல்வது, நாட்டை வேறு கோணத்தில் காட்டுவது ஆகியவற்றில் ஈடுபட்டால் நேரடியாக ஜெயில்தான். சிக்கினால் வெளியே வருவது ஏறக்குறைய சாத்தியமற்றது.
*********************************
kidhours-upcoming
covid19_update #kids songs,#kids health,#siruvar neram,kids songs,siruvar seithigal,siruvar vilaiyattu,siruvar kalvi, world tamil news,tamil first news,tamils,raasi palan,tamil cinema,new tamil movies,vijay sethupathi movies,latest tamil movies,action tamil movie,new tamil movies 2020,new tamil movies released,tamil new film,film tamil,online movies tamil,tamil,english to tamil,english to tamil translation,tamil translation,english to tamil dictionary,tamil typing,hindi to tamil,english to tamil typing
english to tamil sentence translation online,google tamil typing,tamil dictionary,hindi to,tamil translation,tamil to english translator app,sinhala to tamil,tamil to english translation sentences,jothidam,tamil jathagam,tamil jathagam online,daily thanthi jothidam
nadi jothidam,josiyam in tamil,tamil jathagam online free,tamil jothidam online
online josiyam tamil,kulanthai pirappu jothidam in tamil#Insurance #Gas#Electricity#Loans#Mortgage#Attorney#Lawyer#Donate#Conference Call
Degree#Credit