Mystery Things சிறுவர்களுக்கான உலக செய்திகள்
பசிபிக் பெருங்கடல் பகுதியில் ஆய்வில் ஈடுபட்ட ஆய்வுக் குழுவொன்று தங்க முட்டை போன்ற பொருளைக் கண்டுபிடித்துள்ளது.
அழிந்த எரிமலை தொடர்பாக அலாஸ்காவிற்கு அருகில் உள்ள கடலில் “Seascape Alaska 5 Expedition” என்ற ஆய்வு பணி முன்னெடுக்கப்பட்டு வருகிறது.இந்த நிலையில் கடந்த 30 ஆம் திகதி குறித்த தங்க முட்டை கண்டறியப்பட்டுள்ளதாக தெரிவிக்கப்படுகிறது.
இந்த தங்க முட்டை போன்ற பொருள் சுமார் 10செ.மீ அல்லது 4 அங்குல விட்டம் கொண்டதாகவும் அதன் கீழ் ஒரு சிறிய துளை இருப்பதாகவும் கூறப்படுகிறது.இதேவேளை, இதை முதலில் பார்த்தபோது, அது அழிந்த பவளப்பாறையின் ஒரு பகுதியாக இருக்கலாம் என்று ஆய்வாளர்கள் கருதியுள்ளனர்.“கற்பனை விசித்திரக் கதைகளில்” உள்ள இயற்கைக்கு அப்பாற்பட்ட பொருட்களின் குணாதிசயங்களும் இந்த பொருளுக்கு இருப்பதாக ஆய்வுக் குழு கூறியுள்ளதாக வெளிநாட்டு ஊடகங்கள் செய்தி வெளியிட்டுள்ளன.
இதுவரை கண்டறியப்பட்ட உயிரியல் உண்மைகளின் அடிப்படையில் முட்டை வடிவிலான தங்கப் பொருள் அழிந்துபோன இனத்தைச் சேர்ந்ததா அல்லது அடையாளம் காணப்படாத புதிய இனத்தைச் சேர்ந்ததா என்பதைத் துல்லியமாகக் கூற முடியாது எனவும் தெரிவிக்கப்பட்டுள்ளது.
Kidhours – Mystery Things
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.