Woman is Murdered சிறுவர்களுக்கான உலக செய்திகள்
ஒவ்வொரு 11 நிமிடங்களுக்கும் ஒரு பெண் அவரது துணை அல்லது குடும்பத்தினராக கொல்லப்படுவதாக ஐ.நா. செயலாளர் அன்டோனியோ குட்டரெஸ் தெரிவித்துள்ளார்.
‘பெண்களுக்கு எதிரான வன்முறை ஒழிப்பு’க்கான சர்வதேச தினம் நவம்பர் 25 அன்று அனுசரிக்கப்படுகிறது. இதையொட்டி பேசிய அன்டோனியோ குட்டரேஸ், பெண்கள் மற்றும் சிறுமிகளுக்கு எதிரான வன்கொடுமைகள் உலகிலேயே மிகவும் பரவலான மனித உரிமை மீறலாகும்.
ஒவ்வொரு 11 நிமிடங்களுக்கும், ஒரு பெண் அல்லது சிறுமி நெருங்கிய துணை அல்லது குடும்ப உறுப்பினரால் கொல்லப்படுகிறார் என்று குறிப்பிட்டார்.
மேலும் COVID-19 தொற்றுநோய் முதல் பொருளாதாரக் கொந்தளிப்பு வரையிலான பிற அழுத்தங்கள் தவிர்க்க முடியாமல் இன்னும் அதிகமான உடல் மற்றும் வாய்மொழி துஷ்பிரயோகத்திற்கு வழிவகுக்கும் என்பதை நாங்கள் அறிவோம் என்றும் அவர் தெரிவித்தார்.
பெண் வெறுப்பு வெறுப்பு பேச்சு முதல் பாலியல் துன்புறுத்தல், உருவ துஷ்பிரயோகம் வரையிலான ஆன்லைன் வன்முறைகளை பெண்கள் மற்றும் சிறுமிகள் எதிர்கொள்வதாகவும் அன்டோனியோ குட்டரேஸ் கூறினார்.
இதேபோல், “இந்த பாகுபாடு, வன்முறை மற்றும் துஷ்பிரயோகம் ஆகியவை மனிதகுலத்தின் பாதியை குறிவைக்கிறது. இது வாழ்க்கையின் அனைத்துத் துறைகளிலும் பெண்கள் மற்றும் சிறுமிகளின் பங்களிப்பைக் கட்டுப்படுத்துகிறது, அவர்களின் அடிப்படை உரிமைகள் மற்றும் சுதந்திரங்களை மறுக்கிறது,
மேலும் நமது உலகத்திற்குத் தேவையான சமமான பொருளாதார மீட்சி மற்றும் நிலையான வளர்ச்சியைத் தடுக்கிறது,” என்றும் அவர் தெரிவித்துள்ளார்.
Kidhours – Woman is Murdered
உடனுக்குடன் சிறுவர் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.